एजेन्सी । भारतीय अन्तरिक्ष अनुसन्धान संगठन (आइएसआरओ) ले शनिवार नयाँ मौसम उपग्रह इनस्याट—थ्रिडिएस उपग्रह प्रक्षेपण गरेको छ ।
जियोसिंक्रोनस लन्च भेइकल रकेटमा सवार मौसम विज्ञान उपग्रह दक्षिणी भारतीय राज्य आन्ध्र प्रदेशको श्रीहरिकोटाबाट साँझ ५:३५ मा उडेको थियो । रकेटले सफलतापूर्वक भू–सिंक्रोनस ट्रान्सफर अर्बिटमा उपग्रहलाई पुर्याएको छ । आइएसआरओका अनुसार, उपग्रह परिष्कृत मौसम विज्ञान अवलोकन र मौसम पूर्वानुमान र प्रकोप चेतावनीको लागि भूमि र समुन्द्र सतहहरूको निगरानीको लागि डिजाइन गरिएको हो ।
२ हजार २ सय ७४ केजी तौल भएको उक्त स्याटेलाइटले भारतको मौसम विज्ञान विभागलगायत पृथ्वी विज्ञान मन्त्रालयअन्तर्गतका विभिन्न विभागलाई सेवा दिनेछ ।
