काठमाडौँ । ललितपुर महानगरपालिका १ वडा कोपुण्डोलले वडा क्षेत्रभित्र रहेका ज्येष्ठ नागरिकलाई निमोनिया विरुद्धको खोप दिने तयारी गरेको छ । आगामी फाल्गुन ३ र ८ गते दुई चरणमा खोप कार्यक्रम सञ्चालन हुन लागेको छ ।
जाडो महिनामा जोखिम उमेर समूहका नागरिकलाई हुन सक्ने निमोनियाको जोखिमबाट बचाउनको लागि निमोनियाँ विरुद्धको खोप दिन लागेको ललितपुर महानगरपालिका १ वडा कार्यालय वडा अध्यक्ष निर्मल तण्डुकारले बताउनु भयो ।
उहाँका अनुसार ललितपुर महानगरपालिका १ वडामा घरदैलो डिजिटल स्वास्थ्य सर्वेक्षण गरिएको थियो उक्त सर्वेक्षणबाट ६८ वर्ष माथिका करिब ४०० जना जेष्ठ नागरिकहरु तथ्यांक प्राप्त भएता पनि गत वर्षहरुमा महानगरपालिकाको सहयोगमा जेष्ठ नागरिकहरुलाई खोप लगाइ सकेको र बाँकी १५० जनालाई खोप तयारी भएको छ ।
ललितपुर महानगरपालिका ज्येष्ठ नागरिकलाई निमोनियाँ विरुद्धको खोप दिने पहिलो स्थानीय निकाय हो । यो खोप खुद्रा मूल्यमा ६ हजार ७ सय पर्न आउँछ । यस खोपले वृद्ध अवस्थामा चिसोको कारण हुन सक्ने निमोनियाको सङ्क्रमणबाट बचाउन सकिने आधारभूत स्वास्थ्य केन्द्र ललितपुर १ का इन्चार्ज मधुकरमणी आचार्यको भनाइ छ ।
