काठमाडौँ । एसीसी वुमन्स प्रिमियर कप–२०२४ को पहिलो खेलमा नेपालले हङकङविरुद्ध टस जितेर फिल्डिङ गर्ने भएको छ ।
मलेसियाको सेलांगुर टर्फ क्लबमा नेपालकी कप्तान इन्दु बर्माले टस जितेर पहिला फिल्डिङ रोजेकी हुन् । नेपालको प्लेइङ ११ मा डली भट्ट र कविता कुँवर फर्किएका छन् ।
नेपाल रहेको समूह डी मा हङकङ, भुटान र माल्दिभ्स छन् । प्रतियोगितामा नेपालसहित १६ देशको सहभागिता छ । हरेक समूहका शीर्ष दुई टोली क्वाटरफाइनलमा पुग्नेछन् ।
सेमिफाइनल हुँदै फाइनल खेल्ने दुई टोलीले यसै वर्ष हुने वुमन्स एसिया कपमा स्थान बनाउनेछन् । सेमिफाइनल पुग्ने चार टोलीले एसीसी इमर्जिङ टिम्स एसिया कप २०२५ खेल्नेछन् ।
