एजेन्सी । पाकिस्तानमा राष्ट्रिय सभा र प्रान्तीय निर्वाचनको मतदान सकिएपछि नतिजा आउँदैछ । निर्वाचन आयोगले १८ घण्टा ढिलो गरी नतिजाको औपचारिक घोषणा गर्न थालेको हो ।
यसैबीच पाकिस्तानको खैबर पख्तुनख्वालगायत धेरै प्रान्तमा हिंसा फैलिएको छ । जेलमा रहेका इमरानको पीटीआई र बिलावलको पीपीपीले धेरै सिटमा धाँधली गरेको आरोप लगाइएको छ ।
पाकिस्तानको राष्ट्रिय सभामा कुल ३३६ सिट छन् । जसमध्ये २६५ सिटमा निर्वाचन भएको थियो । एउटा सिटको निर्वाचन स्थगित भएको छ । बाँकी सिट आरक्षित छन् । सरकार बनाउन १३४ सिटमा बहुमत चाहिन्छ । पाकिस्तानमा मुख्यतया ३ दलबीच प्रतिस्पर्धा छ । जसमा पाकिस्तान मुस्लिम लिग–नवाज (पीएमएल–एन), पाकिस्तान तहरीक–ए–इन्साफ (पीटीआई), र पाकिस्तान पिपुल्स पार्टी (पीपीपी) पर्छन् ।
नेशनल एसेम्ब्ली ः जम्मा सिट २६६, बहुमत –१३४
पाकिस्तान तहरीक–ए–इन्साफ (पीटीआई) समर्थक – ९८ सिट
पाकिस्तान मुस्लिम लिग – ६९
पाकिस्तान पिपुल्स पार्टी – ५१
(१ बजसम्मको नतिजा)
