एजेन्सी । विक्की कौशल हिन्दी सिनेमाका ती स्टारहरू मध्ये एक हुन् जसले आफ्नो अभिनयले आफ्नो चरित्रमा जीवन भर्छन् । उनी पर्दामा आउँदा दर्शकले हेरिरहन्छन् । सन् २०२३ मा विक्की कौशल ‘सामबहादुर’को भूमिकामा पर्दामा आएका थिए ।
उनले फिल्ड मार्शल मानेकशाको चरित्रबाट फ्यानहरूलाई धेरै प्रभावित गरे । सन् २०२३ पछि यो वर्ष पनि विक्कीसँग धेरै नयाँ प्रोजेक्ट छन्, जसको तयारीमा उनी व्यस्त छन् ।
पछिल्लो रिपोर्ट अनुसार विक्की कौशल आफ्नो आगामी फिल्मको सुटिङका क्रममा घाइते भएका छन्, त्यसपछि उनले सुटिङ बीचमै छाडेर केही दिन आराम गर्नुपरेको छ ।
विक्की कौशल पहिलो पटक सञ्जय लीला भन्सालीसँग आफ्नो फिल्म ‘लभ एन्ड वार’ मा काम गर्न लागेका हुन् । तर, त्यसअघि नै बहुप्रतिभावान अभिनेता लक्ष्मण उत्रकरको फिल्म ‘छावा’ बाट पर्दामा आउनेछन्, जसमा पहिलो पटक मुख्य भूमिकामा रश्मिका मन्दनाले अभिनय गर्नेछिन् ।
हालै सेलिब्रेटी फोटोग्राफर विरल भयानीले विक्की कौशलको एउटा भिडियो सेयर गरेका छन् जसमा उनको बायाँ हात प्लास्टर गरिएको देखिन्छ । भिडियोमा उनी कारबाट निस्किएर घरतर्फ लागेका छन् । रिपोर्टका अनुसार विक्की कौशललाई ‘छावा’को इन्टेन्स एक्शन सिक्वेन्सको सुटिङका क्रममा यो चोट लागेको थियो ।
