एजेन्सी । अस्ट्रेलिया र वेस्ट इन्डिजबीचको तीन खेलको टी–२० सिरिजअघि अष्ट्रेलियाको समस्या बढेको छ । कंगारु टोलीका कप्तान मिचेल मार्समा कोरोना संक्रमण देखिएको छ ।
कोभिड पोजेटिभ भए पनि मिचेल पहिलो टी–२० खेल खेल्दै देखिनेछन् ।
क्रिकेट अष्ट्रेलियाको प्रोटोकल अनुसार मिचेल मार्सले टोलीको नेतृत्व गर्नेछन् । मार्सलाई छुट्टै ड्रेसिङ रुम दिइनेछ । मिचेलले खेल खेल्नेछन्, तर उनी खेलाडीहरूसँग सम्पर्कमा आउने छैनन् र टाढाबाट खेल्नेछन् ।
अघिल्लो हप्ता, मिचेल मार्सलाई न्यूजिल्याण्ड विरुद्धको टी–२० सिरिजको लागि टोलीको कप्तानी दिइएको थियो । अस्ट्रेलियाले वेस्ट इन्डिज सिरिजमा विश्राम दिएका मिचेल स्टार्क, प्याट कमिन्स, ट्राभिस हेड र स्टिभ स्मिथलाई आफ्नो पूर्ण टोलीमा समावेश गरेको छ ।
अस्ट्रेलिया र वेस्ट इन्डिजबीच भोलि पहिलो खेल हुनेछ ।
