काठमाडौँ । नेपालले ओडिआई सिरिजअन्तर्गतको पहिलो खेलमा क्यानडाविरुद्ध राम्रो सुरुवात गरेको छ ।
नेपालले दिएको २२५ रन को लक्ष्य पछ्याएको क्यानडाले १० ओभरको पहिलो पावर प्लेको समाप्तीमा २ विकेट गुमाएर ५४ रन बनाएको छ ।
आजको खेलबाट अन्तर्राष्ट्रिय ओडिआईमा डेब्यु गरेका नेपालका बाँया हाते तीब्र गतिका बलर रिजन ढकालले नेपाललाई पहिलो सफलता दिलाएका थिए । उनले दोस्रो ओभरको पाँचौ बलमा क्यानडाका ओपनर नवानित धलिवललाई ६ रनमा आउट गराए ।
यस्तै, नेपालका तिब्र गतिका बलर सोमपाल कामीले आरोन जोनसनलाई आउट गराउदै दोस्रो सफलता दिलाएका थिए । जोनसन पाँचौ ओभरको अन्तिम बलमा २० रन बटुल्दै आउट भएका थिए ।
