एजेन्सी । पाकिस्तानमा निर्वाचन हुनुभन्दा एक दिनअघि बलुचिस्तानमा दुईवटा विस्फोट भएका छन् । पहिलो विस्फोट पिसिन सहरमा भएको थियो । १५ जनाको मृत्यु भएको छ भने ३० जना घाइते भएका छन् ।
पाकिस्तानी सञ्चारमाध्यम जियो न्यूजका अनुसार स्वतन्त्र उम्मेदवार असफन्द यार खान ककरको कार्यालय बाहिर विस्फोट भएको हो । बम विष्फोट हुँदा कक्कड कार्यालयमा उपस्थित थिएनन् ।
बलुचिस्तानको किला सैफुल्लाहमा रहेको जेयुआई–एफ पार्टीका उम्मेदवार मौलाना अब्दुल वासेको कार्यालय बाहिर दोस्रो विस्फोट भएको छ । तिनीहरू सुरक्षित छन् । यद्यपि यस हमलामा १० जनाको मृत्यु भएको छ भने १० जना घाइते भएका छन् । दुवै विस्फोटमा कुल २५ जनाको मृत्यु भएको छ ।
पाकिस्तानमा फेब्रुअरी ८ मा हुन लागेको राष्ट्रिय र विधानसभाको निर्वाचनअघि हिंसाका घटना बढेका छन् । जियो न्युजको रिपोर्ट अनुसार बलुचिस्तान र खैबर पख्तुनख्वामा पछिल्लो समय आतंकवादी हमला बढेको छ । बलुच लिबरेशन आर्मीले बलुचिस्तान र खैबरमा पाकिस्तानी तालिबानमा आक्रमण गरिरहेको छ ।
