एजेन्सी । भारतीय टोलीका युवा ब्याट्सम्यान सचिन दासको चर्चा जताततै भइरहेको छ । किन नहोस्, यो युवा ब्याट्सम्यानले मंगलबार दक्षिण अफ्रिकाविरुद्ध शानदार इनिङ खेल्दै भारतलाई अन्डर–१९ विश्वकप २०२४ को फाइनलमा पुर्याउन महत्वपूर्ण भूमिका खेलेका थिए ।
बेनोनीमा खेलिएको यू–१९ विश्वकप २०२४ को सेमिफाइनल खेलमा सचिन दासले दक्षिण अफ्रिकाविरुद्ध ९५ बलमा ११ चौका र एक छक्काको मद्दतले ९६ रन बनाएका थिए । उनले कप्तान उदय सहारनसँग पाँचौं विकेटका लागि १७१ रनको कीर्तिमानी साझेदारी गरे ।
सचिन क्रिजमा आउँदा भारतीय टोली ३२र४ को स्कोरमा संघर्ष गरिरहेको थियो । यहाँबाट उनले सहारनसँग उत्कृष्ट साझेदारी गरे र भारतीय टोली फाइनलमा पुग्न सफल भयो ।
सचिन महाराष्ट्रको बीडको मराठवाडा क्षेत्रका हुन् । २०२३ महाराष्ट्र प्रिमियर लिगमा केदार जाधवको नेतृत्वमा रहेको कोलकापुर टस्कर्सको प्रतिनिधित्व गर्दा दासले पहिचान पाए । यसपछि दासले यू–१९ विश्वकपमा नेपालविरुद्ध सुपर सिक्सको खेलमा शतक बनाएपछि चर्चामा आए ।
तर, दक्षिण अफ्रिकाविरुद्धको सेमिफाइनलमा युवा धासले यो खेलमा आफू केही ठुलो गर्न आएको देखाए । निकै बुद्धिमानीपूर्वक आफ्नो इनिङ्स खेल्ने दासको चर्चा सर्वत्र भइरहेको छ ।
तेन्दुलकरबाट प्रेरित नाम
सचिन दासका पिता सञ्जयले आफू सुनील गावस्कर र सचिन तेन्दुलकरको ठूलो फ्यान भएको खुलासा गरेका छन् । सञ्जयले तेन्दुलकरबाट प्रेरित भएर छोराको नाम सचिन राखेको बताए । सञ्जय महाराष्ट्र सरकारको स्वास्थ्य विभागमा कार्यरत छन् । दासले पनि १० नम्बरको जर्सी लगाएका छन् किनभने उनी सचिन तेन्दुलकरको ठूलो फ्यान हुन् ।
‘म सुनिल गावस्करको ठूलो फ्यान हुँ, तर मैले मेरो छोराको नाम मेरो दोस्रो मन पर्ने सचिन तेन्दुलकरको नाममा राखेको छु । यो किनभने उनी तेन्दुलकरसँग सम्बन्धित हुन सक्छन् । अब यो पुस्ताले गावस्कर सरलाई के सोच्ने ? उनी तेन्दुलकरलाई धेरै सम्मान गर्ने भएकाले १० नम्बरको जर्सी लगाउँछन् ।’
