• १० श्रावण २०८१, बिहीबार
  •      Thu Jul 25 2024
  •   Unicode
Logo

आशिष चौधरीसहित चार फुटबलर अष्ट्रेलिया प्रस्थान



काठमाडौँ । नेपाली फुटबलर विदेश पलायन हुने क्रम जारी छ । यसैबीच मंगलबार चार जना फुटबलर अष्ट्रेलिया प्रस्थान गरेका छन् ।

राष्ट्रिय फुटबल टोलीका आशिष चौधरीसहित विभिन्न क्लबबाट व्यवसायिक खेल खेलिरहेका सेसेहाङ आङदम्बे, सिमान्त थापा र आशिष देउला अष्ट्रेलिया उडेका हुन् ।

आशिष ए डिभिजन विजेता चर्च ब्वाइ युनाइटेडका खेलाडी हुन भने नेपाल सुपर लिग अन्तरगत धनगढी एफसीका मार्की खेलाडी समेत थिए । यस्तै, सिमान्त जावलाखेलका कप्तान हुन् भने सेसेहाङ त्रिभुवन आर्मिका खेलाडी हुन् । देउला भने एनएसएल अन्तर्गत झापाका गोलकिपर थिए ।

पछिल्लो समय नेपालमा फुटबलरको उचित भविष्य नहुँदा खेलाडीहरु धमाधम विदेश पलायन हुन थालेका छन् । पलायन हुने खेलाडीको संख्या अधिक रहेको छ ।