काठमाडौँ । जोर्डन कतारमा जारी एएफसी एसियन कपको फाइनलमा प्रवेश गरेको छ । भर्खरै सम्पन्न खेलमा दक्षिण कोरियालाई २–० गोलले पराजित गर्दै जोर्डन उपाधि नजिक पुगेको हो ।
जोर्डनलाई जित दिलाउन खेलको ५३ औं मिनेटमा याजन अल नैमतले तथा ६६ औं मिनेटमा मुसा अल तामरीले गोल गरे । दुई पटकको विजेता रहेको दक्षिण कोरियालाई हराएको जोर्डन भने पहिलोपटक फाइनलमा पुगेको हो ।
जोर्डनले अब फाइनलमा इरान र कतारबीचको विजेतासँग खेल्नेछ । दोस्रो सेमिफाइनल अन्तर्गत आयोजक कतार र इरानबीचको खेल भोलि (बुधबार) हुनेछ ।
