एजेन्सी । विशाखापट्टनम टेस्टमा भारत १०६ रनले विजयी भएको छ । सोमबार डा वाईएस राजशेखर स्टेडियममा भएको खेलमा इंग्ल्याण्डले दोस्रो इनिङ्समा २९२ रन मात्रै बनाउन सक्यो ।
टिमलाई ३९९ रनको लक्ष्य थियो । भारतका रविचन्द्रन आश्विन र जसप्रित बुमराहले ३–३ विकेट लिए । योसँगै अश्विनले ४९९ टेस्ट विकेट पूरा गरेका छन् ।
पहिलो इनिङ्समा यशस्वी जैसवालको दोहोरो शतक भारतका लागि टर्निङ प्वाइन्ट बन्यो । उनले २०९ रनको इनिङ खेल्दै टोलीलाई ३९६ भन्दा माथि पुर्याए । इंग्ल्याण्डले दुवै इनिङ्समा ३ सय रनको आँकडा पनि छुन सकेन । दोस्रो इनिङ्समा शुभमन गिलले शतक बनाए ।
खेलमा ९ विकेट लिएका जसप्रित बुमराहले पहिलो इनिङ्समा ६ विकेट लिएर इंग्ल्याण्डलाई ब्याकफुटमा धकेलेका थिए । बुमराहले दोस्रो इनिङ्समा इंग्ल्याण्डको १० औं विकेट लिए । दोस्रो टेस्ट जितसँगै भारतले ५ टेस्टको सिरिजमा १–१ को बराबरी गरेको छ । इंग्ल्याण्डले पहिलो टेस्ट २८ रनले जितेको थियो ।
शुक्रबार विशाखापट्टनममा भारतले टस जितेर पहिले ब्याटिङ रोजेको थियो । पहिलो इनिङ्समा भारतले ३९६ रन बनाएको थियो भने इंग्ल्याण्डले २५३ रन बनाएको थियो । दोस्रो इनिङ्समा भारतले २५५ रन बनाएर ३९९ रनको लक्ष्य दिएको थियो ।
