काठमाडौँ । इंग्लिस प्रिमियर लिग फुटबल अन्तर्गत चेल्सीले हार ब्यहोरेको छ । गएराति भएको खेलमा चेल्सी वल्भ्ससँग आफ्नै घरेलु मैदानमा २–४ ले स्तब्ध बनेको हो ।
वल्भ्सलाई जित दिलाउन म्याथुस कुन्हाले ह्याट्रिक गरे । एक गोल भने उसले उपहारस्वरुप पायो । खेलको १९ औं मिनेटमा कोल पाल्मेरले गोल गर्दै चेल्सीलाई सुरुवाती अग्रता दिलाएका थिए ।
२२ औं मिनेटमा कुन्हाले गोल गर्दै वल्भ्सलाई १–१ गोलको बराबरीमा ल्याए । ४३ औं मिनेटमा चेल्सीका एक्सेल डिसासीले आत्मघाती गोल गरेपछि वल्भ्स २–१ ले अघि बढ्यो ।
यस्तै, ६३ औं मिनेटमा व्यक्तिगत दोस्रो तथा टोलीका लागि तेस्रो गोल थपेका कुन्हाले ८२ औं मिनेटमा पेनाल्टीमा गोल गर्दै ह्याट्रिक पूरा गरे । ८६ औं मिनेटमा चेल्सीका थियागो सिल्भाले गोल गरेपनि टोलीको हार टार्न सकेनन् र चेल्सी ४–२ गोलले पराजित भयो ।
यो नतिजासँगै वल्भ्स २३ खेलबाट ३२ अंकका साथ तालिकाको १० औं स्थानमा रहँदा चेल्सी ३१ अंकका साथ ११ औं स्थानमा छ ।
