• १७ फाल्गुन २०८०, बिहीबार
  •      Thu Feb 29 2024
  •   Unicode
Logo
Latest
★   नेपाललाई पेनाल्टीमा हराउँदै जोर्डनले जित्यो वाफ च्याम्पियनसिपको उपाधि ★   पहिलो हाफमा जोर्डनविरुद्ध नेपाललाई १-० को अग्रता ★   घरेलु मैदानमा उत्कृष्ट प्रदर्शन गर्नेछौं– साफ यु–१६ नेपाली महिला टोली ★   उद्योगी व्यवसायीहरुलाई राज्यको नीतिले संरक्षण गर्न आवश्यक छः सभापति लामिछाने ★   गगन थापाको आरोपः सम्पती शुद्धीकरण र राजश्व अनुसन्धान विभाग प्रधानमन्त्रीको इच्छाअनुसार चल्छन् ★   गठबन्धनलाई निरन्तरता दिन हामी प्रतिबद्ध छौँः प्रधानमन्त्री दाहाल ★   त्रिभुवन आर्मी पाँचथर गोल्डकपको फाइनलमा ★   गठबन्धनमा समस्या छैन: अध्यक्ष नेपाल ★   मानव बेचबिखनमा संलग्न मियाँ पक्राउ ★   व्यवसाय सुरु गर्नुअधि वास्तुका यी टिप्स पालना गर्नुस्

विराट कोहली दोस्रो पटक बुबा बन्न लागेका छन्, डिभिलियर्सले दिए जानकारी



एजेन्सी । भारतीय ब्याट्सम्यान विराट कोहली फेरि बुबा बन्न लागेका छन् । यो जानकारी कोहलीका विशेष साथी र दक्षिण अफ्रिकाका पूर्व ब्याट्सम्यान एबी डिभिलियर्सले दिएका छन् ।

३९ वर्षीय पूर्व ब्याट्सम्यान डी भिलियर्स भारत–इंग्ल्याण्ड टेस्टको दोस्रो दिन पछि आफ्नो युट्युव च्यानलमा लाइभ आए ।

एक प्रशंसकको प्रश्नमा डिभिलियर्सले भने, ‘मैले कोहलीलाई फोन गरेर उनको स्वास्थ्यबारे सोधेँ । त्यसमा विराटले आफू आफ्नो परिवारसँग रहेको बताए । थप कुरा गर्दै डिभिलियर्सले भने, ‘विराटको दोस्रो सन्तान आउन लागेको छ । यही कारण उनी परिवारसँगै छन् ।’

यसअघि विराट कोहली ११ जनवरी २०२१ मा पहिलो पटक बुबा बनेका थिए र अस्ट्रेलिया भ्रमण बीचमै छोडेर भारत आएका थिए । कोहलीले छोरीको नाम ‘वामिका’ राखेका छन् ।

विराट कोहली २५ जनवरीबाट सुरु भएको भारत–इंग्ल्याण्ड टेस्ट सिरिजको पहिलो दुई खेलमा टीम इन्डियाको हिस्सा छैनन् । उनले व्यक्तिगत कारण देखाउँदै नाम फिर्ता लिएका हुन् ।

यसबारे भारतीय क्रिकेट कन्ट्रोल बोर्ड (बीसीसीआई)ले विज्ञप्ति जारी गर्दै कोहलीले कप्तान रोहित शर्मा, चयनकर्ता र टोली व्यवस्थापनसँग कुरा गरेको र पारिवारिक कारणले बिदा लिएको बताएको छ । बोर्डले विराटको गोपनीयताको सम्मान गर्न पनि अपील गरेको छ ।