• २९ असार २०८१, शनिबार
  •      Sat Jul 13 2024
  •   Unicode
Logo
Latest
★   त्रिशूलीमा बेपत्ता तीन जनाको शव फेला ★   सूचना प्रविधि क्षेत्रको विकासलाई सरकारले प्राथमिकतामा राख्नुपर्छ:अध्यक्ष ढकाल ★   स्रष्टाले सम्झिए आदिकवि ★   प्रहरी जवानको परीक्षा दिँदै गरेका छ नक्कली परीक्षार्थी पक्राउ ★   चाइना निर्माण कम्पनीसँगको समन्वयमा पूर्वपश्चिम राजमार्गका खाल्डाखुल्डी पुर्दै ट्राफिक प्रहरी ★   पशुपति क्षेत्रमा गङ्गामाई रथयात्रा ★   नारायणीमा दुईवटा शव फेला ★   ओली सरकारमा लोसपा सहभागी हुने, मन्त्री छान्ने जिम्मा अध्यक्ष ठाकुरलाई ★   आइतबारका लागि निर्धारित प्रतिनिधिसभाको बैठक सोमबार सर्यो ★   एमाले अध्यक्ष ओली आइतबार चौंथोपटक प्रधानमन्त्री बन्दै !

आठ गोल निस्केको खेलमा न्युक्यासल र लुटनको रोमाञ्चक बराबरी



काठमाडौँ । इंग्लिस प्रिमियर लिग फुटबल अन्तर्गत न्युक्यासल युनाइटेड र लुटन टाउनले बराबरी खेलेका छन् ।

गएराति भएको खेलमा दुबै टोलीले ४–४ गोलको बराबरी खेल्दै अंक बाँडेका हुन् । खेलको ७ औं मिनेटमा सिन लङ्स्टाफले गोल गर्दै घरेलु टोली न्युक्यासललाई सुरुवाती अग्रता दिलाएका थिए । २१ औं मिनेटमा गाब्रियल ओसोले गोल गर्दै लुटनलाई १–१ को बराबरीमा ल्याए ।

२३ औं मिनेटमा लङ्स्टाफले व्यक्तिगत तथा टोलीका लागि पनि दोस्रो गोल गर्दै खेललाई २–१ ले अघि बढाए । ४० औं मिनेटमा रोस बार्कलीले गोल गर्दै लुटनलाई २–२ को बराबरीमा ल्याए ।

त्यसपछि ५९ औं मिनेटमा कार्टलन मोरिसले (पेनाल्टी) र ६२ औं मिनेटमा एलिजा अडेवायोले गोल गर्दै लुटनलाई ४–२ गोलले अघि बढाए । यता, ६७ औं मिनेटमा किएरन ट्रीपरले तथा ७३ औं मिनेटमा हार्भी बार्न्सले गोल गर्दै न्युक्यासललाई ४–४ को बराबरी गरे ।

बराबरीसँगै न्युक्यासल २३ खेलबाट ३३ अंकका साथ नवौं स्थानमा रहँदा लुटन २२ खेलबाट २० अंकका साथ १६ औं स्थानमा छ ।