पोखरा । २३औं संस्करणको आहा रारा पोखरा गोल्डकप फुटबल प्रतियोगिताको उपाधि त्रिभुवन आर्मी क्लबले जितेको छ ।
पोखरा रंगशालामा आज भएको फाइनल खेलमा थ्री स्टार क्लबलाई ३–० ले पराजित गर्दै आर्मी च्याम्पियन बनेको हो ।
आर्मीको जितमा जिलेस्पी जंग कार्की, फत्तेमान घले र बसन्त जिम्बाले एक–एक गोल गरे ।
विजेता आर्मीले १२ लाख एक हजारसहित ट्रफी हात पार्यो । उपविजेता थ्री स्टारले ६ लाख एक हजारमा चित्त बुझायो ।
