काठमाडौं । नेकपा (एमाले)ले स्थानीय तहको निर्वाचनका लागि वैशाख ९ गते घोषणापत्र सार्वजनिक गर्ने भएको छ ।
सोमबार बसेको सो पार्टीको पोलिटव्यूरो बैठकले पार्टी स्थापना दिवसको अवसर पारेर केन्द्रले घोषणापत्र सार्वजनिक गर्ने र स्थानीय तहहरुमा पनि चुनावी प्रतिवद्धतापत्र सार्वजनिक गर्ने निर्णय गरेको हो ।
यस्तै, बैठकबाट स्थानीय तह निर्वाचनका उम्मेदवारको मापदण्डमा सामान्य हेरफेर पनि गरेरिएको छ ।
यसअघि सचिवालय बैठकले वडाध्यक्ष र सदस्यको सिफारिस पालिका कमिटीले गरेर जिल्ला कमिटीले निर्णय गर्ने भनेकोमा अब वडाध्यक्ष र सदस्यका उम्मेदवारको सिफारिस वडा कमिटीले गर्ने प्रस्ताव भएको छ ।
यस्तै, पार्टीका सबै केन्द्रीय सदस्य आ–आफू मतदाता रहेको भूगोलमा केन्द्रित हुनेगरी लाग्न निर्देशन दिइएको छ ।
