काठमाडौं । बिहान ११ बजे बस्ने भनिएको दाहाल–नेपाल समूहको स्थायी कमिटीको बैठक सरेर दिउँसो ३ बजे बस्ने भएको छ । पार्टी कार्यालय पेरिसडाँडामा आज दिउँसो ३ बजे दाहाल–नेपाल समूहको स्थायी कमिटीको बैठक बस्नेबारे प्रवक्ता नारायणकाजी श्रेष्ठले जानकारी दिएका हुन् ।
सर्वोच्च अदालतले ऋषि कट्टेल नेतृत्वको नेकपालाई आधिकारिकता दिएका अवस्थामा भावी रणनीतिबारे छलफल गर्न सो समूहले बैठक बोलाएको हो । समूहले फैसलापछिको अवस्थाबारे कानून व्यवसायीसँग पनि छलफल गरेको थियो ।
छलफलमा अध्यक्ष पुष्पकमल दाहाल ‘प्रचण्ड’ र अर्का अध्यक्ष माधवकुमार नेपाल लगायतको सहभागिता थियो ।
