• १७ फाल्गुन २०८०, बिहीबार
  •      Thu Feb 29 2024
  •   Unicode
Logo
Latest
★   नेपाललाई पेनाल्टीमा हराउँदै जोर्डनले जित्यो वाफ च्याम्पियनसिपको उपाधि ★   पहिलो हाफमा जोर्डनविरुद्ध नेपाललाई १-० को अग्रता ★   घरेलु मैदानमा उत्कृष्ट प्रदर्शन गर्नेछौं– साफ यु–१६ नेपाली महिला टोली ★   उद्योगी व्यवसायीहरुलाई राज्यको नीतिले संरक्षण गर्न आवश्यक छः सभापति लामिछाने ★   गगन थापाको आरोपः सम्पती शुद्धीकरण र राजश्व अनुसन्धान विभाग प्रधानमन्त्रीको इच्छाअनुसार चल्छन् ★   गठबन्धनलाई निरन्तरता दिन हामी प्रतिबद्ध छौँः प्रधानमन्त्री दाहाल ★   त्रिभुवन आर्मी पाँचथर गोल्डकपको फाइनलमा ★   गठबन्धनमा समस्या छैन: अध्यक्ष नेपाल ★   मानव बेचबिखनमा संलग्न मियाँ पक्राउ ★   व्यवसाय सुरु गर्नुअधि वास्तुका यी टिप्स पालना गर्नुस्

आसिफको शतकको बाबजुत पनि एपिएफको हार, शीर्ष चारमा नरहने पक्का



काठमाडौँ । प्रधानमन्त्री कपमा ओपनर आसिफ शेखको शतकको बाबजुत पनि नेपाल एपिएफ क्लब कर्णाली प्रदेशसँग २१ रनले पराजित भएको छ ।

कर्णालीसँग हार बेहोरेसँगै एपिएफको शीर्ष दुईमा रहँदै फाइनल खेल्ने र शीर्ष चारमा रहँदै एलिट ट्रफी खेल्ने लक्ष्य अधुरै रहने भएको छ ।

कर्णालीले दिएको २०७ रनको लक्ष्य पछ्याएको एपिएफ ४४ ओभरमा १८५ रन बनाउदै अलआउट भयो । एपिएफका लागि ओपनर आसिफ शेखले शतकीय इनिङ खेले । उनले ११६ बलमा १० चौका र २ छक्का सहित १०८ रन बनाए । आशिफ र अमर राउटेलाले सातौ विकेटका लागि ८७ रनको साझेदारी गरेका थिए । राउटेला ७१ बलमा १ छक्कासहित २८ रनमा अविजित रहे । यी दुईबाहेक अरु खेलाडिको ब्याट चल्न सकेनन् ।

कर्णालीको जितमा प्रकाश जैशीले ४ विकेट लिए । यस्तै दिपेन्द्र रावत र युनिष सिंहले समान दुई/दुई विकेट तथा दिनेश अधिकारीले एक विकेट लिए ।

त्यसअघि किर्तीपूरस्थित टीयू मैदानमा ४४.१ ओभरमा अलआउट हुदै कर्णालीले २०६ रन बनाएको थियो । कर्णालीका लागि हिमांशु शाहीले सर्वाधिक ६२ रन बनाएका थिए । उनले ५० बलमा २ चौका र ७ छक्का हिर्काए । चौथो विकेटका लागि शाही र अर्जुन घर्तीले १११ रनको साझेदारी गरेका थिए । घर्तीले ७४ बलमा १ चौका र ३ छक्का सहित ५३ रन बनाए । यस्तै, दिनेश अधिकारीले २७, रबिन्द्र शाहीले २२, प्रकाश जैशीले १० र निश्चल रावलले ६ रन जोडे ।

एपिएफका लागि मौसम ढकालले ३ विकेट लिएका थिए । अमर राउटेलाले २ तथा भुवन कार्की र रमेश कुर्मीले समान १/१ विकेट लिए ।