एजेन्सी । बीसीसीआईका सचिव जय शाह एसियाली क्रिकेट काउन्सिल (एसीसी) को अध्यक्षमा लगातार तेस्रो पटक निर्वाचित भएका छन् ।
एसीसीको बुधवार सम्पन्न वार्षिक बैठकले जय शाहलाई एसियन क्रिकेट काउन्सिलको अध्यक्षमा नियूक्त गरेको हो ।
श्रीलंका क्रिकेट (एसएलसी) का अध्यक्ष शम्मी सिल्भाले दोस्रो पटक जय शाहको कार्यकाल थप्ने प्रस्ताव राखेका थिए । उनको प्रस्ताबलाई एसीसीका सबै सदस्यहरूले सर्वसम्मतिले समर्थन गरेका हुन् ।
बंगलादेश क्रिकेट बोर्डका अध्यक्ष नजमुल हसनपछि शाहले जनवरी २०२१ बाट एसीसीको नेतृत्व सम्हालेका थिए । शाहको नेतृत्वमा एसीसीले एसियाली क्षेत्रमा क्रिकेटको प्रवर्द्धन र विकासमा उल्लेखनीय प्रगति हासिल गरेको छ। शाहको नेतृत्वमा एसीसीले २०२३ मा एशिया कप र २०२४ मा एशिया कप सफलतापूर्वक आयोजना गर्यो ।
जय शाहले पुन निर्वाचित भएपछि सबैलाई धन्यवाद दिएका छन् । सबैप्रति आभार व्यक्त गर्दै जय शाहले भने, “एसीसी बोर्डको निरन्तर विश्वासका लागि म कृतज्ञ छु। खेलको बाल्यावस्थामा रहेका क्षेत्रहरूमा विशेष ध्यान दिएर यसको चौतर्फी विकास सुनिश्चित गर्न हामी प्रतिबद्ध रहनुपर्छ। एसीसी एशियाभर क्रिकेटको प्रवर्द्धन गर्न प्रतिबद्ध छ।”
