काठमाण्डौ । २३औँ संस्करणको आहा ! रारा गोल्डकपको फाइनल प्रवेशका लागि आज थ्री स्टार क्लब र जावलाखेल प्रतिष्पर्धा गर्दैछन् ।
पोखरा रङ्गशालामा हुने सेमिफाइनल खेल दिउँसो साढे २ बजे बाट सुरु हुनेछ । थ्रीस्टारले भुटानको पारो फुटबल क्लबलाई हराउँदै सेमिफाइनलमा प्रवेश गरेको थियो भने जावलाखेलले मनाङ मर्स्याङ्दीलाई हराएको थियो ।
प्रतियोगिताको फाइनल शनिवार हुनेछ । प्रतियोगिताको उपाधि विजेताले १२ लाख एक हजार र उपविजेताले ६ लाख एक हजार रुपैयाँ पुरस्कार पाउनेछन् ।
