एजेन्सी । आइतबार गुजरातमा आयोजित फिल्मफेयर अवार्ड समारोहमा बलिउड अभिनेता कार्तिक आर्यन पनि पुगेका थिए । यसै अवसरमा उनको प्रवेशका क्रममा दुर्घटना भएको थियो, जसको भिडियो सामाजिक सञ्जालमा भाइरल भएको छ ।
यस भिडियोमा, कार्तिकको प्रवेशको क्रममा, उनी ब्यारिकेडको अर्को छेउमा उभिएका फ्यानहरूसँग हात मिलाउन अगाडि बढ्छन् । कार्तिकलाई छुन धेरै फ्यानहरु अगाडि आउँछन् । ठूलो भीडको कारण, ब्यारिकेड टुट्छ र धेरै प्रशंसकहरू भुइँमा खस्छन् ।
ब्यारिकेड खस्छ, कार्तिक पछाडि सर्छन् र उनका अंगरक्षकहरूले उनलाई घेरेका छन् । यसपछि कार्तिकको टोलीले उनलाई सन्चै हुनुहुन्छ कि भनेर सोध्छ ? कार्तिक भन्छन् फ्यानलाई हेर, मलाई होइन । यो दुर्घटनाका बाबजुद कार्तिक वा उनका फ्यानलाई कुनै ठूलो चोट पुग्दैन ।
कामको कुरा गर्दा कार्तिकको अर्को फिल्म ‘चन्दु च्याम्पियन’ रहेको छ । गत गणतन्त्र दिवस, अभिनेताले आफ्नो फिल्मको अर्को लुक पोस्टर साझा गरे । कबीर खान निर्देशित यो फिल्मको कथा एक वास्तविक जीवन खेलाडीमा आधारित छ । यो यही वर्ष जुन १४ मा रिलिज हुनेछ ।
