• १३ फाल्गुन २०८०, आईतवार
  •      Sun Feb 25 2024
  •   Unicode
Logo
Latest
★   बुर्तिबाङ प्राथमिक स्वास्थ्य केन्द्र २८ वर्षपछि प्रदेशस्तरीय अस्पताल बन्दै ★   संविधानले दिएको सेवा सुविधा लिएर संविधानको बिरोध गर्न मिल्दैन: सांसद सापकोटा ★   नेपालले नेदरल्यान्ड्सलाई दियो १७३ रनको सामान्य लक्ष्य ★   सहकारीपीडितको समस्या समाधान गर्न सरकारको ध्यानाकर्षण ★   जापान नेपालको हितैषी मित्र र भरपर्दो विकासको सहयात्री: राष्ट्रपति पौडेल ★   नेपालले ४४ ओभरमा आठ विकेट गुमाएर १४२ रन बनायो ★   सासंद खतिवडाको कटाक्ष: कुचो र क्यामरा बोकेर मन्त्री किराँती मन्त्रालयमा, काम भने कमिसनको चक्करमा ★   जापानले भूकम्प पीडितका लागि थप ६६ करोड डलर खर्च गर्ने ★   मानसिक स्वास्थ्यमा सरकारले चासो देखाएन: सांसद बराल ★   शान्ताको अचार उद्योगलाई केपी ओलीको शुभकामना

प्रधानमन्त्री कपमा पुलिसको लगातार सातौँ जित, गण्डकी ६ विकेटले पराजित



काठमाडौँ । जारी प्रधानमन्त्री कपमा विभागीय टोली नेपाल पुलिस क्लबले आफ्नो अपराजित यात्रा कायमै राखेको छ । सोमबार खेलिएको खेलमा गण्डकी प्रदेशलाई ६ विकेटले हराउदै पुलिसले लगातार सातौ जित हात पारेको हो ।

प्रतियोगितामा हालसम्म खेलेका सबै खेल जित्ने पुलिस क्लब एकमात्र टोली हो । आठ खेल खेलेको गण्डकीको भने यो छैटौँ हार हो ।

गण्डकीले दिएको १७१ रनको लक्ष्य पछ्याएको पुलिसले २४.२ ओभरमा चार विकेट गुमाएर पुरा गर्‍यो । खराब मौसमका कारण निर्धारित समयमा सुरु नभएपछि खेल ४५ ओभरमा झारिएको थियो ।

पुलिसको जितमा दिलीप नाथले अर्धशतकीय पाली खेले । आक्रामक रुपमा प्रस्तुत भएका उनले ३९ बलमा चार छक्का र ६ चौका प्रहार गर्दै५७ रन बनाए । यस्तै, अर्जुन साउद एक छक्का र पाँच चौकासहित ४४ रनमा अविजित रहँदा आरिफ शेखले २७, कुशल भुर्तेलले २२ र शंकर राणाले १२ रन थपे ।

गण्डकी प्रदेशको लागि सन्दीप पराजुलीले दुई तथा विपिन खत्री र कमल परियारले एक–एक विकेट लिए ।

त्यसअघि मुलपानी क्रिकेट मैदानमा टस हारेर ब्याटिङको निम्तो पाएको गण्डकी प्रदेश ३८.३ ओभरमा अलआउट हुँदै एक सय ७० रन बनायो ।

गण्डकीको लागि अमृत गुरुङले अर्धशतकीय पाली खेलेका थिए । उनले ३९ बलमा दुई छक्का र आठ चौका प्रहार गर्दै ५० रन बनाए । यस्तै, कमल परियारले ३०,समिर कँडेलले २९, करण पंगेनीले ३० र कृष ऐयरले १० रन बनाए ।

पुलिस क्लबको लागि रासिद खान एक्लैले पाँच विकेट लिए । ललित राजवंशी र करण केसीले दुई विकेट लिँदा दीपेन्द्रसिंह ऐरीले एक विकेट लिए ।