• ११ फाल्गुन २०८०, शुक्रबार
  •      Fri Feb 23 2024
  •   Unicode
Logo
Latest
★   लुक्ला जाँदै गरेको एयर डाइनेष्टीको हेलिकोप्टरमा प्राविधिक समस्या, बाटोबाटै फर्काइयो ★   तीन वर्षदेखि अलपत्र पुस्तकालयको काम थालियो ★   आइतबारदेखि देशभर दादुराविरुद्ध खोप अभियान, काठमाडौँका छ लाख बालबालिका समेटिँदै ★   प्रतिनिधिसभाको बैठक आज पनि बस्दै, एमाले झन् आक्रामक बन्ने ★   नागरिक उड्डयन प्राधिकरणले माग्यो कर्मचारी, कुन–कुन पदमा खुल्यो जागिर ? ★   जग्गा प्राप्तिका लागि काभ्रेका तीन हजार भूमिहीनको आवेदन ★   देशका लागि ५० गोल पूरा गरेपछि के भन्छिन् ‘साम्बा’ ? ★   तीन वर्षअघि सन्यास लिएका टोनी क्रुस जर्मन टोलीमा फर्किए ★   चन्द्रागिरि डाँडामा हिउँ -फोटो फिचर ★   विश्वकप लिग–२ः नामिबिया र नेदरल्याण्ड्स भिड्दै

प्रधानमन्त्री कप: आर्मीले सुदूरपश्चिमलाई दियो २६३ रनको लक्ष्य



काठमाडौँ । जारी प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा विभागीय टोली त्रिभुवन आर्मी क्लबले सुदूरपश्चिम प्रदेशलाई जितका लागि दुई सय ६३ रनको लक्ष्य दिएको छ ।

कीर्तिपुरस्थित टियू मैदानमा टस जितेर पहिला ब्याटिङ रोजेको आर्मीले ४८.३ ओभरमा अलआउट हुँदै दुई सय ६२ रन बनायो ।

आर्मीको लागि कुशल मल्लले उत्कृष्ट अर्धशतकीय ईनिङ खेले । उनले ६७ बलमा तीन छक्का र १० चौका प्रहार गर्दै ७५ रनको योगदान दिए । कुनै समय ८८/६ को स्थितमा रहेको आर्मीलाई कुशल र बसिर अहमदले दुई सय एक रनको सुदृढ अवस्थासम्म डोर्याएका थिए । बसिरले ३६ रन बनाए ।

यस्तै, सन्दीप रजालीले ३७ रन थप्दा सोमपाल कामीले ३१, सन्तोष कार्कीले ३०, साहब आलमले २१ रन बटुले । अन्य खेलाडिले भने दोहोरो अंकमा रन बनाउन सकेनन् । आर्मीले अतिरिक्त रुपमा १० रन पाएको थियो ।

सुदूरपश्चिम प्रदेशको लागि भोजराज भट्ट एक्लैले ६ विकेट लिए । यस्तै, नरेन साउदले तीन र विकास अग्रीले एक विकेट लिए ।