• १७ फाल्गुन २०८०, बिहीबार
  •      Thu Feb 29 2024
  •   Unicode
Logo
Latest
★   नेपाललाई पेनाल्टीमा हराउँदै जोर्डनले जित्यो वाफ च्याम्पियनसिपको उपाधि ★   पहिलो हाफमा जोर्डनविरुद्ध नेपाललाई १-० को अग्रता ★   घरेलु मैदानमा उत्कृष्ट प्रदर्शन गर्नेछौं– साफ यु–१६ नेपाली महिला टोली ★   उद्योगी व्यवसायीहरुलाई राज्यको नीतिले संरक्षण गर्न आवश्यक छः सभापति लामिछाने ★   गगन थापाको आरोपः सम्पती शुद्धीकरण र राजश्व अनुसन्धान विभाग प्रधानमन्त्रीको इच्छाअनुसार चल्छन् ★   गठबन्धनलाई निरन्तरता दिन हामी प्रतिबद्ध छौँः प्रधानमन्त्री दाहाल ★   त्रिभुवन आर्मी पाँचथर गोल्डकपको फाइनलमा ★   गठबन्धनमा समस्या छैन: अध्यक्ष नेपाल ★   मानव बेचबिखनमा संलग्न मियाँ पक्राउ ★   व्यवसाय सुरु गर्नुअधि वास्तुका यी टिप्स पालना गर्नुस्

‘टोल टोलमा वडाध्यक्ष (नागरिक सभा)’ मा वडा विकासको निरीक्षण



काठमाडौ । काठमाडौँ महानगरपालिकाको वडा नं. ७ ले पाँचौँ ‘टोल टोलमा वडाध्यक्ष (नागरिक सभा)’ कार्यक्रम सम्पन्न गरेको छ । सरकारका प्रतिनिधि र स्थानीय सँगै रहेर वडामा भएका पूर्वाधार निर्माणका कामको निरीक्षण गर्नु, यसको प्रभाव र अभावका विषयमा लाभग्राहीका कुरा सुन्नु कार्यक्रमको उद्देश्य हो ।

‘वडामा महानगरपालिकाको केन्द्र, वडा कार्यालय, संघ तथा प्रदेश सरकारको योजना तथा बजेटबाट योजना सञ्चालन तथा सम्पन्न भएका छन् ।’ वडाध्यक्ष विमलकुमार होडाले कार्यक्रमका विषयमा जानकारी दिँदै भन्नुभयो, ‘विकास निर्माणका विषयमा टोलबासीका कुरा सुन्छौँ । उहाँहरुबाट आएका गुनासालाई आगामी कार्यक्रममा समेट्ने प्रयास गर्छौँ । यसबाट नीति तर्जुका लागि पनि पृष्ठपोषण प्राप्त भइरहेको छ ।’

आजको कार्यक्रममा रुद्रेश्वर उद्यान, रुद्रेश्वर मन्दिर, गंगाहिटी प्रवेश मार्गको निरीक्षण तथा शिव पाञ्चायन मन्दिरसँगैको खुला क्षेत्रको व्यवस्थापनका विषयमा स्थानीयसँग छलफल गरियो । रुद्रेश्वर उद्यान निर्माण गर्न वडाले २० लाख रुपैयाँ खर्च गरेको छ । यसमा सार्वजनिक शौचालय पनि बनाइएको छ ।


यस क्रममा संघीय संसद गगनकुमार थापा, प्रदेश सभा सदस्य मीना पराजुली, वडा सदस्यहरु, टोल सुधार समिति, उपभोक्ता समिति, क्लव तथा संघ संस्थाका प्रतिनिधिहरुलाई सहभागी हुनुहुन्थ्यो ।

वडाध्यक्ष होडाका अनुसार, वडाभित्र अहिले ३० वटा टोलसुधार तथा उपभोक्ता समितिहरु छन् । महानगरपालिकाले जारी गरेको टोल विकास संस्था (गठन तथा परिचालन) कार्यविधि २०८० को व्यवस्था कार्यान्वयनको तयारी भएको छ । यसअन्तर्गत वडीमा १० वटा टोल विकास संस्था निर्माण गर्न सकिन्छ ।

वडाको मध्यमकालीन र दीर्घकालीन विकासका लागि पञ्चबर्षिय योजना तर्जुमा कार्यक्रमहरु भइरहेको होडाले जानकारी दिनुभयो ।