काठमाडौँ । जारी प्रधानमन्त्री कप राष्ट्रिय क्रिकेट प्रतियोगितामा कोशी प्रदेशले लगातार आठौँ हार बेहोरेको छ । बुधबार भएको खेलमा सुदुरपश्चिम प्रदेशविरुद्ध आठ विकेटले पराजित हुँदै कोशीले आठ खेलमा लगातार हार बेहोरेको हो ।
कोशीले जितको दिएको एक सय २४ रनको लक्ष्य सुदुरले २१.१ ओभरमा २ विकेट गुमाएर पुरा गर्यो । सुदुरका लागि नरेन भट्टले ५४ रनको अर्धशतकिय नटआउट इनिङ खेले । यस्तै प्रकाश पाण्डे ३४ रनमा अविजित रहँदा खडक बोहोराले ९ र राजु रिजाल २१ रन बनाए । कोशीका लागि फिर्दोश अन्सारीले दुई विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ रोजेको कोशी ३२ ओभरमा एक सय २३ रन बनाउदै अलआउट भएको थियो । कोशीको लागि तेस्रो नम्बरमा क्रिज समाल्न आएका मिनास थापाले २६ रन बनाए । अंकित सुवेदी २२, कमल खत्री १८, फिरदोष अन्सारी १३, सोनु अन्सारी ९, सुभन गहतराज ५, समिर कार्की ४ र सुजन थपलियो ३ रन बनाएर आउट भए ।
कोशीलाई सस्तैमा समेट्न सुदूरपश्चिमका शेर मल्लले पाँच विकेट लिँदा विकास अग्रीले चार विकेट हात पारे ।
यससँग,ै कोशी ८ खेलमा सबै खेल हार्दै अंकबिहिन हुँदै तालिकाको पुछारमा रहेको छ । सुदुर भने ५ खेलमा ४ जित सहित ८ अंकसहित दोस्रो स्थानमा उक्लिएको छ । ५ खेलमा सतप्रतिशत जितसहित १० अंक बटुल्दै नेपाल पुलिस क्लब शीर्ष स्थानमा छ ।
