ललितपुर । नेकपा एमालेको माधव नेपाल र झलनाथ खनाल समूहले आयोजना गरेको राष्ट्रिय भेला ललितपुरमा जारी रहेको छ । ललितपुरको हेरिटेज गार्डेन पार्टी प्यालेसमा केही समयअघि सो भेला सुरु भएको हो । यो भेला बिहीबारसम्म चल्ने कार्यक्रममा यसअघि ने तय भएको छ ।
भेलामा देशका प्राय सबै जिल्लाका नेता र कार्यकर्ताको उपस्तिथि रहेको छ । यो भेलाको अर्को एक आकर्षण नेकपाका पुराना कम्युनिस्ट नेताहरु हुन् । उनीहरु पनि यो समूहको भेलामा सहभागी भएका छन् ।
सो भेलामा पुराना कम्युनिस्ट नेताहरु मोहनचन्द्र अधिकारी, सिद्धिलाल सिंह, मोदनाथ प्रश्रित, कमल कोइराला, राधाकृष्ण मैनाली पनि उपस्थित भएका हुन् । उनीहरु सो भेलाको एक आकर्षण भएको यहाँ उपस्थित कार्यकर्ताहरुले बताएका छन् ।
नेकपा एमालेका अध्यक्ष एवं प्रधानमन्त्री केपी ओलीले आफ्नो समूहका बाहेक सबै नेताहरुको जिम्मेवारी खोसेपछि खनाल९नेपाल समूहले ओली समूहको सो निर्णयको विपक्षमा भेला आयोजना गरेको हो ।
