विराटनगर । नेकपा एमालेले सभामुखमा राप्रपालाई सघाउने निर्णय गरेको छ ।
मंगलबार बिहान बसेको कोशी प्रदेश एमाले संसदीय दलको बैठकले गठबन्धन दल भन्दा बाहिरबाट सभामुखको उम्मेदवारी परे सघाउने निर्णय गरेको हो ।
बैठकपछि प्रमुख सचेतक रेवती भण्डारीले भने,‘सभामुखमा एमालेले उम्मेद्वारी दिदैन । गठबन्धन बाहेकका उम्मेदवारलाई सघाउछ ।’
सत्तारुढ दलहरूले राप्रपालाई सभामुख दिने सहमति भएका छन् । राप्रपाले झापाका प्रदेशसभा सदस्य अम्बरबहादुर बिस्टलाई सभामुख बनाउने निर्णय गरेको छ । यससँग,ै बिस्ट निर्विरोध निर्वाचित हुने सम्भावना रहेको छ ।
