काठमाडौं । राष्ट्रियसभा निर्वाचनका लागि मनोनयन दर्ता गराएका उम्मेदवारहरुविरुद्ध आज उजुरी गर्न समय तोकिएको छ ।
माघ ११ गते हुन लागेको चुनावका लागि निर्वाचन आयोगले आज उम्मेदवारहरुविरुद्ध दाबीविरोध र उजुरीको कार्यतालिका रहेको जनाएको छ ।
राष्ट्रियसभाका रिक्त १९ सीटका लागि ५२ जनाले उम्मेदवारी दर्ता गराएका छन्। आज परेका उजुरीउपर बिहीबारसम्म जाँचबुझ गरी नामावली प्रकाशन गरिने आयोगले जनाएको छ ।
यस्तै, आयोगले पुस २७ गतेसम्मलाई नाम फिर्ता लिने समय तोकेको छ ।
