बुटवल । राष्ट्रियसभा सदस्य निर्वाचनका लागि लुम्बिनी प्रदेशमा नेकपा एमालेले पहिला उम्मेदवारी दर्ता गराउने भएको छ । उम्मेदवारी दर्ता गराउन एमालेले १२:३० देखि १:३० समय माग गरेको हो ।
त्यसपछि सत्ता गठबन्धनका नेपाली काङ्ग्रेस, माओवादी केन्द्रका उम्मेदवारले १:३० देखि २:३० सम्मको समय माग गरेका छन् । आयोगमा माग भएको समयअनुसार पहिला एमाले र त्यसपछि गठबन्धनका उम्मेदवारले मनोनयन दर्ता गराउने तयारी रहेको छ ।
लुम्बिनीमा एमालेकी तुलसा केसी र पाल्पाका झपेन्द्र जीसी उम्मेदवार छन् । यस्तै, माओवादीका झक्कु सुवेदी र काँग्रेसकी विष्णुकुमारी सापकोटा उम्मेदवार छन् ।
