काठमाडौं । नेपाल मल्टिपल ब्रोडकाष्टिङ न्यूज प्रा.लिले एनएमबि न्यूज मोबाइल एप सार्वजनिक गरेको छ । देश तथा विदेशका ताजा लोकप्रिय समाचार पढ्न इच्छुक व्यक्तिहरुलाई लक्षित गर्दै उक्त एप सार्वजनिक गरेको हो ।
करिब ७ महिनादेखि अनलाइन समाचार प्रवाह गर्दै आएको उक्त कम्पनीले समाचार पाठकहरुलाई अझ सजिलो र डिजिटलाइज गर्न मोबाइल एप संचालनमा ल्याएको हो । एन्ड्रोइड मोबाइलका लागि गत पुषमा सार्वजनिक भएको एपलाई प्रयोगकर्ताले राम्रो प्रतिक्रिया दिइरहेका छन् ।
यो एपमा प्रयोगकर्ताले आफ्नो प्रदेश, रुची र प्राथमिकता अनुसार चाहेजस्तै समाचार पढ्न पाउनेछन् । प्रयोगकर्ताको समयलाई थप महत्तव दिदै देश तथा विदेशका मुख्य समाचारहरु तुरुन्त नोटिफिकेसन मार्फत पाउनेछन् ।
साथै पछिल्ला दिनहरुमा कुनै अपडेट आएमा एपमै तुरुन्त अपडेट गर्न सक्नेछन् भने एपको बारेमा प्रतिक्रिया पनि सजिलै दिन सक्नेछन् । एन्ड्रोइडपछि अब आईओएस एप रिलिज गर्ने कम्पनीको तयारी रहेको छ ।
