काठमाडौँ । आसन्न राष्ट्रिय सभा निर्वाचनमा एमालेलाई पनि भागबन्डामा मिसाउने विषयमा भएको छलफलमा नेकपा एसका अध्यक्ष माधवकुमार नेपाल र जनता समाजवादी पार्टी (जसपा)नेता उपेन्द्र यादव असहम भएका छन् ।
एमालेलाई पनि राष्ट्रिय सभामाको निर्वाचनमा सिट दिनुपर्ने माग एमाले अध्यक्ष ओलीले राखेपछि केही दिन यतादेखि यस विषयमा प्रधानमन्त्री पुष्पकमल दाहाल प्रचण्ड र ओलीबीच छलफल जारी रहेको छ । यस विषयमा प्रधानमन्त्री प्रचण्डले कांग्रेस सभापति शेरबहादुर देउवासँग पनि परामर्श गरिरहेका छन् । हिजो दिउँसो प्रधानमन्त्रीले नै सत्तारुढ दलको बैठक यसै विषयमा बोलाएका थिए ।
सो बैठकमा यो प्रस्ताव राखेपछि यसप्रति माधव नेपाल र उपेन्द्र यादवले आपत्ति जनाएका थिए । उनीहरुले सत्ताधारी दललाई चित्त नबुझाई विपक्षीलाई सिट भागबन्डा गर्ने कुरा कसरी आयो भनेर सुरुमै आपत्ति जनाएका थिए । त्यसपछि उपेन्द्र यादवले पनि यस विषयमा प्रधानमन्त्रीको प्रस्तावको विरोध गरेका थिए । प्रधानमन्त्री प्रचण्ड कांग्रेस सभापति देउवाले सबैभन्दा पहिला सत्तारुढ दलमा यस विषयमा सहमति जनाएपछि साँझ एमालेसँगको बैठकमा निर्णय गर्ने योजना बनाएका थिए ।
तर पछि गएर यी दुइ नेताले विरोध गरेपछि साँझ बालुवाटारमा बसेको प्रधानमन्त्री प्रचण्ड, कांग्रेस सभापति देउवा र एमाले अध्यक्ष ओलीको बैठक विना निष्कर्ष टुंगिएको थियो । सत्तारुढ दलमै सहमति हुन नसकेपछि सिट दिन नसकिने जानकारी प्रधानमन्त्रीले ओलीलाई गराएका थिए ।
त्यसपछि सहमति हुन नसकेको बैठकमा सहभागी एक एमाले नेताले जनाए । एमालेलाई बढीमा तीन सिट दिन सकिने पक्षमा प्रधानमन्त्री प्रचण्ड र कांग्रेस सभापति देउवा देखिएका छन् । तर एमालेले भने ५ सिट दिनुपर्ने बताएको छ ।
