काठमाडौ । हाँस्य कलाकारद्धय सिताराम कट्टेल (धुर्मुस) र कुञ्जना घिमिरेले (सुन्तली)ल निर्माण गरेको ‘ओई मेरो परान’ बोलको गीत सार्वजनिक गरिएको छ । बानेश्वर हाईटको रेडियो अडियोमा आयोजित एक कार्यक्रममा गीत साबृजनिक गरिएको हो ।
धुर्मुस–सुन्तलीको जोडीले निर्माण तथा निर्देशन गरेको ‘म त मर्छु कि क्या हो’ नामक वेव फिल्ममा यो गीत राखिएको छ । गीतमा लोकराज अधिकारीको शब्द, राजेन्द्र बजगाँइको संगीत, तथा रचना रिमाल र भक्त प्रधानको स्वर रहेको छ । निर्मात्री तथा कलाकार कुञ्जना घिमिरेलेले यो वेव फिल्म एक महिना भित्र विभिन्न ओटीटी प्लेटफर्मबाट रिलिज हुने जानकारी दिनुभयो । उहाले सामाजिक कामसँगै आफुहरुलाई हेर्न चाहने दर्शकको चाहना पनि पुरा गर्न पनि यो चलचित्र निर्माण गरेको जानकारी दिनुभयो ।
फिल्मलाई टेकेन्द्र शाहले सम्पादन गर्नुभएको छ भने स्वेत्ना योञ्जनको कोरियोग्राफी रहेको छ । गीतमा सिताराम कट्टेल, कुञ्जना घिमिरे र सुशिला थापाको शसक्त अभिनय रहेको छ । यसै गरी चलचित्रमा खलपात्रका परिचय भएका रवि गिरी, पल्पसा डंगोल, सुमन कार्की, सुमन कोइराला लगायतको अभिनय रहेको छ ।
