काठमाडौं । नेपाली कांग्रेसका प्रभावशाली नेता तथा सांसद डा. शेखर कोइरालाले सभापति शेरबहादुर देउवा कस्को ईसारमा हिड्नु भएको हो भन्दै प्रश्न गर्नुभएको छ ।
प्रजातान्त्रिक सेनानी संघको कार्यक्रमलाई सम्बोधन गर्दै नेता कोइरालाले भन्नुभयो- हामीहरूको सर्वेसर्वा त सभापति शेरबहादुर देउवा हो । हामी उहाँकै इसारमा हिँड्ने हो । तर, उहाँ कसको इसारमा हिँड्ने हेर्नुहोस् त ?
उहाँले मुलुकमा अब कांग्रेस नेतृत्वको सरकार आवश्यक भैसकेको बताउनु भयो । उहाँले प्रचण्डले नेतृत्व गरेको सरकारले काम गर्न नसकेको भन्दै तत्काल परिवर्तन गर्नुपर्नै समेत बताउनु भयो ।
उहाँले भन्नुभयो ‘अहिलेजसरी पार्टी चले संकट पैदा हुने पनि खतरा रहेको बताउनु भयो । उहाँले भन्नुभयो ,‘अहिले हामी हाम्रो अस्तित्व त गुमाउँदै छैनौं भन्ने डर छ । बीपी कोइरालाले राष्ट्रियता, प्रजातन्त्र र समाजवाद भन्नुहुन्थ्यो । त्यो तीवटा कुरालाई लिएर कांग्रेस अघि बढ्यो भने समाप्त हुँदैन । तर, अहिले हामी जसरी जाँदैछौं केन्द्रीय समिति भनौं या वडा समिति तपाईंहरू कसरी लिनुहुन्छ थाहा छैन म चाहिँ भद्दा कमिटी भन्छु ।’
