सुर्खेत । शुक्रबार ललितपुरको बालकुमारीमा भएको घटनालाई लिएर आइतबार सुर्खेतमा पुन: आन्दोलन चर्किएको छ ।
बालकुमारीमा भएको आन्दोलनका क्रममा दैलेखका २१ वर्षीय सुजन रावत र अछामका वीरेन्द्र शाहको मृत्यु भएपछि ‘युवा विद्रोही’ समूहले आइबार वीरेन्द्रनगरको मुख्य सडक चक्काजाम गर्दै आन्दोलन गरेका हुन् ।
अहिले रत्न राजमार्ग अन्तर्गत एरिचोक–मंगलगढी चोकको अवस्था तनावग्रस्त भएको छ । दिउँसो १२ बजेदेखि टायर बालेर आन्दोलन सुरु गरेपछि सवारी साधनहरू ठप्प पारिएको छ । आन्दोलनकारीले गृहमन्त्री नारायणकाजी श्रेष्ठ र भौतिक पूर्वाधार मन्त्री प्रकाश ज्वालाको राजीनामा माग गरेका छन् । साथै, मृतक युवाहरूलाई सहिद घोषणासहित पीडित परिवारलाई उचित शिक्षा, स्वास्थ्य, लालन पालनको सम्पूर्ण ग्यारेन्टी राज्यले गर्नुपर्ने माग राखेका छन् ।
आन्दोलन भइरहेको ठाउँमा प्रहरी तैनाथ भइरहेको छ ।
