काठमाडौं । भारतीयको कलकत्तास्थित दमदम जेलबाट शनिबार रिहा भएर ४० वर्षपछि दुर्गाप्रसाद तिम्सिना आज (आईतबार) अपराह्न जन्मघर इलाम पुगेका छन् ।
इलामका तिम्सिना ४० वर्षपछि आफ्नो देश र परिवार सामु फर्कदै गर्दा उनी मौन देखिएका थिए । भाइहरुको सहयोगमा घर पुगेका दुर्गाप्रसाद, आमालाई भेट्दा पनि केही बोलेनन् ।
आमालाई भेट्दा पनि उनी केही बोलेनन् । तर भने भाइहरुको कर पछि उनले रिहा भएको पहिलो पटक धनमायालाई ‘आमा’ भनी बोलाए । उनले थप सम्वाद नगरेपछि धनमायाले भने रेल र मोटर चढेर आएका कारण छोरा नबोलेको होला भनेर प्रतिक्रिया दिइन् ।
उनले भनिन्, ‘भोलिबाट अरु कुरा गर्छ होला ।’भाइहरुकै जोडबलमा उनले कोलकत्ताबाट लिएर आएको मिठाई पनि आमालाई दिए। उनको आमा धनमाया ८६ वर्षकी रहेकी छन् ।
