काठमाडौं । सरकारकी प्रवक्ता रेखा शर्माले बालकुमारी घटना गलत भएको भन्दै दु:ख व्यक्त गरेकी छन् ।
मन्त्रिपरिषद्को निर्णय सार्वजनिक गर्दै उनले बालकुमारीको घटना अराजकता भएको उल्लेख गर्दै अराजकतालाई कसैले प्रश्रय दिन नहुने बताइन् ।
‘हाम्रो भौतिक पूर्वाधारमन्त्रीको गाडीमा आगजनी भएको कुरा आएको छ । तर, जे भयो, त्यो गलत भयो । आफ्ना असन्तुष्टि र कुराहरु शान्तिपूर्वक राख्न पाउने सबैलाई अधिकार छ ।’, उनले भनिन्, ‘सरकारप्रति असन्तुष्टि राख्न पनि पाइन्छ । त्यसको पनि आफ्नो तरिका हुन्छ । जुन ढंगले यो घटना घटाइयो । केहीको मृत्यु भएको छ । यसप्रति दु:ख व्यक्त गर्न चाहन्छु ।’
सञ्चारमन्त्री शर्माले बालकुमारी घटनाको यथार्थ विवरण आउन बाँकी रहेको बताइन् ।
