काठमाडौं । नेपाली राष्ट्रिय क्रिकेट टीमका स्पिनर सन्दीप लामिछानेविरुद्धको मुद्दामा आज पनि सुनुवाइ जारी रहेको छ ।
काठमाडौं जिल्ला अदालतमा न्यायाधीश शिशिरराज ढकालको इजलासमा आइतबारदेखि निरन्तर सुनुवाइ सुरु भएको हो ।
आइतबार न्यायाधीश ढकालले मुद्दा बहसपश्चात हेर्दाहेर्दैमा राखेका थिए । सोमबार र मंगलबार सार्वजनिक बिदा भएकाले हिजो बुधवार सुनवाइले निरन्तरता पायो ।
दुई दिनको सुनवाइमा जाहेरीकर्ता गौशाला-२६ का तर्फबाट वकिलहरूले बहस सिध्याएका छन् । वादी पक्षबाट १० जना वकिलहरूले बहस गरेका थिए ।
बुधवार प्रतिवादी सन्दीपका तर्फबाट मुरारी सापकोटाले बहस गरे । आज थप ६ जना अधिवक्ताहरूले बहस गर्नेछन् ।
