एजेन्सी । प्रभास–श्रुति हसन–पृथ्वीराज सुकुमारन स्टारर फिल्म ‘सालार’ अन्ततः हलमा रिलिज भएको छ । यो फिल्मसँगै शाहरुख खान अभिनित तथा राजकुमार हिरानीद्वारा निर्देशित ‘डंकी’ एक दिन अगावै हलमा रिलिज भएको छ ।
प्रशान्त नीलले निर्देशन गरेको फिल्म ‘सालार’ले दक्षिणी र उत्तरी दर्शकबाट निकै प्रशंसा पाइरहेको छ । प्रभासले यो फिल्मबाट बाहुबलीको रेकर्ड समेत तोड्ने आशा दर्शकहरुले गरेका छन् ।
तर, सालारको रिलिजसँगै एउटा नराम्रो खबर बाहिर आएको छ । रिपोर्टहरूको विश्वास गर्ने हो भने, सालार रिलिजसँगै अनलाइन लिक भएको छ । हाल फिल्म रिलिज हुने र तुरुन्तै अनलाइन लिक हुने चलन बनेको छ । पछिल्लो समय ‘सालार’ पनि पाइरेसीको सिकार बनेको छ । रिपोर्टका अनुसार सालारको एचडी संस्करण अनलाइन लिक भएको छ ।
यो फिल्म ३ देखि ४ वटा साइटमा लीक भएको छ जसले अन्य फिल्मलाई लीक गर्छ । फिल्मको पाइरेसीका कारण निर्माण पक्षलाइृ धेरै नोक्सान हुने गरेको छ ।
मानिसहरू थिएटर छाडेर घरमै अनलाइन चलचित्र हेर्ने गर्छन्, जसले थिएटर मालिकहरूलाई मात्र नभई निर्माताहरूलाई पनि ठूलो नोक्सान पुर्याउँछ । बढ्दो पाइरेसीलाई लिएर बलिउडका स्टारहरूले पनि पटकपटक आवाज उठाएका छन् तर अहिलेसम्म कुनै समाधान हुन सकेको छैन ।
प्रशान्त नील निर्देशित चलचित्र ‘सालार’ ले रिलिज हुनुअघि नै अग्रिम बुकिङमा राम्रो कमाई गरेको छ । यो फिल्मले रिलिजअघि नै ४० करोडको व्यापार गरेको थियो । प्रशान्त नील–प्रभास र पृथ्वीराज सुकुमारनको फिल्मलाई राम्रो प्रतिक्रिया आएको छ, अब अनलाइन लीकले फिल्मको कमाईमा असर गर्छ कि गर्दैन त्यो हेर्न बाँकी छ ।
