काठमाडौं । नेकपा एमालेको माधव कुमार नेपाल समूह संसदीय दलको बैठकमा सहभागी हुने भएको छ ।
प्रधानमन्त्री एवं एमाले संसदीय दलका नेता केपी शर्मा ओलीले आज अपराह्न ३ बजे बोलाउनुभएको उक्त बैठकमा झलनाथ खनालको नेतृत्वमा नेपाल समूहको सांसद सहभागी हुने नेपाल पक्षका सांसद झपट रावलले न्यूजपोलारलाई जानकारी दिनुभयो ।
यस्तै बालुवाटारमा बस्ने बैठकमा वरिष्ठ नेता माधव कुमार नेपाल र अर्का नेता भीम रावल भने सहभागी नहुने नेता रावलले बताउनुभयो ।
