काठमाडौँ । नेपाली सुनचाँदी बजारमा आज साताको पहिलो दिन आइतबार सुन–चाँदीको मूल्य घटेको छ । आइतबार एकै दिन सुनको मूल्य प्रतितोला एक हजार तीन सय रूपैयाँले घटेको नेपाल सुनचाँदी व्यवसायी महासंघले जनाएको छ ।
आज छापावाल सुन प्रतितोला एक हजार तीन सय रूपैयाँले घटि एक लाख १७ हजार पाँच सय रूपैयाँमा कारोबार भईरहेको छ । शुक्रबार उक्त सुन प्रतितोला एक लाख १८ हजार आठ सय रूपैयाँमा कारोबार भएको थियो ।
यस्तै, आईतबार तेजाबी सुन प्रतितोला एक लाख १६ हजार नौ सय ५० रूपैयाँमा कारोबार भइरहेको छ । अघिल्लो कारोबारमा तेजाबी सुन प्रतितोला एक लाख १८ हजार दुई सय ५० रूपैयाँमा कारोबार भएको थियो ।
त्यसैगरी, आइतबार चाँदीको मूल्य पनि घटेको छ । आज चाँदी प्रतितोला ३५ रूपैयाँले घटेर प्रतितोला १४ सय २५ रूपैयाँमा कारोबार भईरहेको महासंघले जनाएको छ ।
