काठमाडौं । सरकार र विभिन्न माग राखेर आन्दोलनरत थारु कल्याणकारीसभा, थारुहटरथारुवान संयुक्त सङ्घर्ष समिति केन्द्रीय आन्दोलन परिचालन समितिबीच वार्ता सम्पन्न भएको छ ।
थरुहट संघर्ष समिति र सरकारी टोलीबीच गृह मन्त्रालयमा भएको पहिलो चरणको वार्ता सकिएको हो । मंगलबार भएको वार्ता एजेण्डामा प्रवेश गराएर टुंगाइएको छ ।
दोस्रो चरणको वार्ता बिहीबार फेरि बस्ने गृहमन्त्री रामबहादुर थापाका प्रेस संयोजक किरण भट्टराईले जानकारी दिए ।
थरुहट संघर्ष समितिसँग वार्ता गर्न सोमबार गृहमन्त्री थापाको अध्यक्षतामा समिति गठन भएको थियो।
सरकारी वार्ता टोलीमा प्रधानमन्त्रीका परराष्ट्र मामिला सल्लाहकार डा राजन भट्टराई र पूर्व सांसद भगवती चौधरी सदस्य थिए । यस्तै, थरुहटका तर्फबाट रुक्मीणी चौधरीको संयोजकत्वमा प्रेमलाल चौधरी, पदमनारायण चौधरी, चन्द्रबहादुर चौधरी र प्रभात चौधरी सदस्य थिए ।
