एजेन्सी । कपिल शर्मा र सुनिल ग्रोवर कमेडी जगतका दुई अनुहार हुन्, जसको जोडीले सधैं हलचल मच्चाएको छ । ‘द कपिल शर्मा शो’मा वर्षौंसम्म एकअर्कासँग काम गरेपछि सन् २०१८ मा डा. मशूर गुलाटी उर्फ सुनील ग्रोवर र कपिल शर्माबीच ठूलो झगडा भएको थियो ।
तर, ५ वर्षपछि दुवैले आफ्नो मतभेद मेटाएर फेरि सँगै काम गर्ने निर्णय गरेका छन् र चाँडै नै उनीहरुको जोडीलाई ‘नेटफ्लिक्स’ शोमा आफ्नो कमेडीले सबैलाई हँसाएको देखिनेछ ।
उनीहरुको मित्रताको चर्चाका बीच हालै कपिल–सुनीलले पार्टी गरेको तस्बिर इन्टरनेटमा भाइरल भइरहेको छ ।
कपिल र सुनिललाई सँगै देख्दा फ्यानहरूको अनुहारमा ठूलो मुस्कान आउँछ । यस्तै केही उनको पछिल्लो तस्विरमा पनि देखियो, जसलाई अभिनेत्री अर्चना पूरन सिंहले आफ्नो इन्स्टाग्राममा सेयर गरेकी छिन् । हालै, मुम्बईमा उनको नयाँ नेटफ्लिक्स शोको लन्च पार्टी आयोजना गरिएको थियो, जसका धेरै फोटोहरू इन्टरनेटमा भाइरल भएका थिए ।
पहिलो तस्बिरमा कपिल शर्मा र सुनिल ग्रोवर एकअर्कासँग कुरा गरिरहेका देखिन्छन् । जहाँ दोस्रो फोटोमा गिन्नी चतरथ र अर्चना पूरन सिंह पोज दिइरहेका छन् । अर्को तस्बिरमा कपिल, गिन्नी र अर्चना पूरन सिंह छन् ।
कपिल शर्मा र सुनिल ग्रोवरको तस्बिर सेयर गर्दै अर्चना पूरन सिंहले लेखेकी छिन्, ‘कहिले एकअर्कालाई टाढै राखेर, कहिले हात समाएर हिँडिरहने छौँ, तिमीलाई कति माया छ र हामीले पनि कति साथ दियौँ भनेर ।’
