अहमदाबाद । एकदिवसीय क्रिकेट विश्वकप २०२३ को उपाधिको लागि भोलि भारत र अष्ट्रेलिया भिड्दैछन् । अहमदाबादस्थित नरेन्द्र मोदी स्टेडियममा हुनलागेको फाईनल खेल नेपाली समयअनुसार दिउँसोको २:१५ बजेबाट सुरु हुनेछ ।
भारत आफ्नो अपराजित यात्रा कायम राख्दै प्रतियोगिता समाप्त गर्ने लक्ष्यमा हुनेछ भने अष्ट्रेलिया आयोजक राष्ट्रलाई हराउदै ट्रफि हात पार्न चाहन्छ ।
तर, यहाँ विश्वकप ट्रफी मात्रै होइन ठुलो पुरस्कार राशि पनि छ । विश्वकप २०२३ को विजेताले ४० लाख अमेरिकी डलर अर्थात करिब ५३ करोड नेपाली रुपैयाँ पाउनेछन् । जबकि उपविजेताले २० लाख अमेरिकी पुरस्कार प्राप्त गर्नेछन् ।
यस्तै, सेमिफाइनलमा हारेका न्युजिल्यान्ड र दक्षिण अफ्रिका दुवैले आठ लाख डलर पाएका छन् । लिग चरणबाट बाहिरिएका सबै ६ टोलीले एक–एक लाख डलर प्राप्त गरेका छन् ।
यसका साथै लिग चरणमा १० वटै टोलीबिच खेलेका ४५ खेलको विजेता टोलीलाई प्रत्येक खेलमा विजयी भएबापत ४० हजार डलर प्रदान गरिएको छ ।
यो पनि पढ्नुहोस्: क्रिकेट विश्वकप फाईनल: यस्तो छ भारत र अष्ट्रेलियाबिचको हेड-टू-हेड
