काठमाडौं । राष्ट्रिय स्वतन्त्र पार्टी (रास्वपा)ले घरदैलो कार्यक्रम गर्ने भएको छ ।
प्रदेश र संघीय निर्वाचन सकिएको एक वर्ष पुगेको अवसरमा जनताका गुनासो र सुझाव सुन्न मंसिर २ देखि ४ गतेसम्म घरदैलो कार्यक्रम गर्न लागिएको रास्वपाका महामन्त्री मुकुल ढकालले बताए । उनले भने, ‘निर्वाचन सकिएको एक वर्ष भएको छ । जनताका सुझाव सुन्न जान लागेका हौं । तपाईहरुसँगै छौ भन्न जान लागेका हौं ।’
यस्तै, रास्वपाले मंसिर ११ देखि १३ सम्म महोत्तरीको जलेश्वरमा केन्द्रीय र संसदीय दलको बैठक बस्न लागेको महामन्त्री ढकालले जानकारी दिए । उक्त बैठकमा अधिवेशनको प्रक्रिया र विधि माथि छलफल हुने उनले बताए ।
