काठमाडौं। नेपाल उद्योग वाणिज्य महासंघका अध्यक्ष चन्द्रप्रसाद ढकालले बाह्य परिसूचक र तरलताको अवस्थामा सुधार भएको बताउनु भएको छ ।
दसैं, तिहार, छठ, नेपाल संवतलगायतको अवसरमा महासंघद्वारा आयोजित शुभकनमा आदान प्रदान कार्यक्रममा अध्यक्ष ढकालले अर्थतन्त्र सुधारका केही किरण देखिन थालेको बताउनु भयो । अध्यक्ष ढकालले समन्वयात्मक रूपमा अघि बढे अर्थतन्त्र सुधारको चरणमा प्रवेश गर्ने पनि उल्लेख गर्नुभयो ।
उहाँले भन्नुभयो ‘अर्थतन्त्रका बाह्य परिसूचक र तरलताको अवस्थामा सुधार भएको अहिलेको अवस्थामा समन्वयात्मक रूपमा अगाडि बढ्न सकियो भने हामी सुधारको नयाँ चरणमा प्रवेश गर्नेछौं। किनभने अहिले आयात गर्न पर्याप्त सञ्चिति छ। सञ्चितिसँगै चालु खाता र शोधानान्तर अवस्थामा सकारात्मक रहेको हुँदा विदेशी लगानीकर्तालाई पनि ढुक्क हुने अवस्था छ। रेमिट्यान्सले बजार चलायमान बनाइराख्ने नै छ।’
अध्यक्ष ढकालले अर्थतन्त्र सुधारका लागि उच्चस्तरीय आयोग बनाउन प्रधानमन्त्री सकारात्मक भएको र त्यसमा सबै क्षेत्रको प्रतिनिधित्व हुने आशा व्यक्त गर्नुभयो । उहाँले भन्नुभयो ‘अर्थतन्त्रका बाह्य परिसूचक र तरलताको अवस्थामा सुधार भएको अहिलेको अवस्थामा समन्वयात्मक रूपमा अगाडि बढ्न सकियो भने हामी सुधारको नयाँ चरणमा प्रवेश गर्नेछौं। किनभने अहिले आयात गर्न पर्याप्त सञ्चिति छ। सञ्चितिसँगै चालु खाता र शोधानान्तर अवस्थामा सकारात्मक रहेको हुँदा विदेशी लगानीकर्तालाई पनि ढुक्क हुने अवस्था छ। रेमिट्यान्सले बजार चलायमान बनाइराख्ने नै छ।’
ढकालले अर्थतन्त्र सुधार भएमा बैंक तथा वित्तीय संस्था लगानीका लागि तयार रहेकोबताउनु भयो । उहाँले बैंक तथा वित्तीय संस्थासँग अहिले पाँच खर्ब रुपैयाँ रहेको रअर्थतन्त्रमा सुधार भए ब्याजदर कमी हुँदै जाने तर त्यसा लागि नीतिगत सुधार र स्थायित्व भने कायम हुनुपर्ने बताउनु भयो ।
