काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले कोशी प्रदेशको सत्ता समीकरणमा आएको परिवर्तनको सबै जिम्मेवारी सभापति शेरबहादुर देउवाले लिनुपर्ने बताउनु भएको छ ।
आज (सोमबार) धुम्बराहीमा सभापति देउवाले बोलाएको छलफलबाट बाहिरिने क्रममा सञ्चारकर्मीहरुसँग संक्षिप्त कुराकानी गर्दैै महामन्त्री शर्माले अर्का महामन्त्री गगनकुमार थापा र आफ्नो एउटै भनाई कोशी प्रदेशको सबै जस अपजस सभापति देउवाले लिनुपर्ने बताउनु भएको हो ।
उहाँले भन्नुभयो ‘अहिले जो भएको छ । यो घटनामा सभापतिले गम्भीर आत्मसमीक्षा गर्नपर्छ । कोशी प्रदेशबाट नेपाली कांग्रेको केन्द्रीय समितिमा एउटा महामन्त्री पनि छ नि त । कोशी प्रदेशमा डा। नारायण खड्का हुनुहोला, विजय गच्छदार हुनुहोला, अरु नेताहरु पनि हुनुहोला ।’
उनले भने, ‘उहाँहरु कोही पनि निर्णय प्रक्रियामा सामेल हुनुहुन्न । त्यो निर्णय गर्दैगर्दा को–को सामेल हुनुहुन्थ्यो र किन यो प्रकारको दुर्घटना भयो रु भन्ने कुराको सबैभन्दा प्रधान जिम्मेवारी सभापतिले फिल गर्न पर्छ हामीले भन्यौं ।’
उहाँले कसैसँग पनि सभापति देउवाले सल्लाह र सहकार्य नगर्दा पार्टीका आठ जना कोशी प्रदेश सभा सदस्यहरुले विद्रोहमार्फत एमालेको समर्थनमा सरकार बनाएकोबताउनु भयो ।
