एजेन्सी । शनिबार अहमदाबादमा सम्पन्न विश्वकप क्रिकेट अन्तर्गत लिग चरणको खेलमा भारतीय टोलीले पाकिस्तानलाई ७ विकेटले पराजित गर्यो । यो खेल जितेर भारतले कीर्तिमानी आठौं पटक पाकिस्तानविरुद्धको विश्वकप खेल जितेको छ । बाबर आजमको कप्तानीमा रहेको पाकिस्तानले पहिले ब्याटिङ गर्दै १९१ रन बनाएको थियो ।
जवाफमा भारतले ३०.३ ओभरमा ३ विकेटको क्षतिमा लक्ष्य पुरा गरेको थियो । भारत–पाक खेलपछि पाकिस्तानी टोलीका निर्देशक मिकी आर्थरले पत्रकार सम्मेलनमा ठूलो बयान दिएका छन् ।
भारत र पाकिस्तानबीचको खेलमा स्टेडियममा गीत बजिरहेको देखेर उनी निकै निराश भएका थिए । उनले भारतीय क्रिकेट कन्ट्रोल बोर्ड (बीसीसीआई)लाई निशाना बनाउँदै एउटा वक्तव्य दिएका छन् जुन निकै छिटो भाइरल भइरहेको छ ।
भारतविरुद्ध पाकिस्तानको पराजयपछि पाकिस्तानी टीम निर्देशक मिकी आर्थर धेरै क्रोधित देखिन्थे । उनले भने कि ‘आज राती यो आईसीसीको कार्यक्रम हो जस्तो लागेन, यो बीसीसीआईको कार्यक्रम जस्तै महसुस भयो ।’
यस क्रममा उनले थप भने कि ‘म यसलाई बहानाको रूपमा लिन चाहन्न र मलाई जरिवाना गर्न सकोस् भनेर अरु केहि भन्न चाहन्न ।’ उनको भनाइपछि फ्यानहरुले सामाजिक सञ्जालमा तीव्र प्रतिक्रिया दिइरहेका छन् ।
