विराटनगर । कोशी प्रदेशको मुख्यमन्त्रीको दाबी गर्दै दुवै पक्षले ४७ सांसदको हस्ताक्षर लिएर गएपछि प्रदेश प्रमुख पर्शुराम खापुङले सनाखतका लागि सांसदहरुलाई शनिबारको समय तोक्नु भएको छ ।
प्रदेश प्रमुख खापुङले शनिबार बिहान ८ देखि दिउँसो २ बजेसम्मका लागि प्रदेशसभाका दुवैतिर हस्ताक्षर गर्ने सबै सांसदलाई सनाखतका लागि बोलाउनु भएको छ ।
कोशी प्रदेशमा शुक्रबार ५ बजेसम्मका लागि मुख्यमन्त्रीको दाबी पेस गर्न समय दिइएको मा माओवादी केन्द्रका इन्द्रबहादुर आङ्बो र काँग्रेस केदार कार्कीले ४७ /४७ सांसदको हस्ताक्षरसहित दाबी पेस गर्नुभएको छ उक्त दाबीमा कांग्रेसका ८ सांसदको हस्ताक्षर दुवैतिर उल्लेख छ ।
काग्रेसका कार्की सहित अन्यले आङ्बोले आफूहरुको हस्ताक्षर दुरुपयोग गरेको भन्दै दाबी पेश गर्ने समयमा सबै जना प्रदेश प्रमुख समक्ष उपस्थित भएका थिए ।
