एजेन्सी । अहमदाबाद क्राइम ब्रान्चले नरेन्द्र मोदी स्टेडियममा बम विष्फोट गर्ने धम्की दिने एक व्यक्तिलाई पक्राउ गरेको छ । उनले इमेल पठाएर यस्तो धम्की दिएका थिए । अभियुक्तको नाम करण मावि हो । उनलाई राजकोटबाट पक्राउ गरिएको हो ।
बीसीसीलाई धम्कीको मेल पठाइएको थियो । आरोपितले यसमा लेखेका थिए कि अक्टोबर १४ मा मोटेरा क्षेत्रमा रहेको नरेन्द्र मोदी स्टेडियममा विस्फोट हुनेछ, जसका कारण सबै मानिस काँप्नेछन् । अपराध शाखाका अनुसार उनी मध्य प्रदेशको धार जिल्लाका हुन् ।
मावी यसअघि सन् २०१८ मा बलात्कार, मानव बेचबिखन र आपराधिक धम्कीको आरोपमा पक्राउ परेका थिए । यसविरुद्ध धामनोद प्रहरी चौकीमा मुद्दा दर्ता भएको थियो । भारत र पाकिस्तानबीचको खेल १४ अक्टोबरमा अहमदाबादको नरेन्द्र मोदी स्टेडियममा हुनेछ ।
यस सम्बन्धमा इन्टरनेट मिडिया प्लेटफर्महरू पनि नजिकबाट निगरानी भइरहेको छ । सेप्टेम्बर २९ मा गुजरात पुलिसले प्रतिबन्धित संगठन सिख फर जस्टिस (एसएफजे) का प्रमुख गुरपतवन्त सिंह पन्नु विरुद्ध धम्की जारी गरेकोमा एफआईआर दर्ता गरेको थियो ।
